Monatswanderung vom November 2009 |
|
Mittwoch, 11. November 2009 Besammlung: 1220 Uhr Bahnhof SBB Abfahrt: 1240 Uhr nach Frick, mit Bus 136 (1307) Nach Wolflinswil. Wanderung: Wölflinswil-rund um Fürberg-Frick, ca. 2 Std.
|
|
Dr Gedanggeschplitter Hüt isch greist e ganz ergleggligi Wanderschar, per SBB und schpööter mit em Poschtauticar – das in Wanderkluft und teils drzue no mit Schaal – via Frick noo ‚Wölfliswil’ in das schmuggi Taal. |
|
|
|
| No bi grauem Himmel, doch wie sich’s druff zeigt, isch unsere Wanderfründ Petrus rächtzytig gneigt für e baar Schtund fründlig d Sunne loo z schyyne, schtatt fiecht und niislig in d Wält uuse z gryyne. |
|
|
|
|
|
|
|
|
|
| Für Geolooge, Wanderer und sunscht belääseni Wääse git’s in ere Metallkischte interessanti Faggte z lääse – über tief unde-n-im Fricktal gläägeni geologischi Schichte – Schaad hälfe si miinere ‚graue Schicht’ nit bym Dichte!! |
|
|
|
|
|
Dr heerlig Natuurwääg schlänglet sich rächt bald, dùùr e schtattlige, scho schpoothèrbschtlige Wald. Geege-n-e Bitz Wehmuet wèhr ich mìì denn vrgääbe: Glyych däm Wald schtöhn mììr au im Herbscht vom Lääbe. |
|
|
|
|
|
| Us em Wald uuse, hän mir widr d Sunne gnosse, my liisi Wehmuet isch, wie si koo isch, vrflosse. Au dr Wääg aabe noo Frick isch nit ganz ohni Reiz, wie au die Yyglemmte und s Bierli in dr ‚Warteck’-Beiz. |
|
|
|
| Vo Frick goht’s mit em Zùùg zrugg noo Baasel – Änd vo dr Wanderig und au vo mim Gfaasel – Wòòrschyynlig bi-n-ich s näggscht Mool nit drbyy. Zwungenermaasse loss ich denn au s Ryyme sii. Andy Kunzelmann |
|
Fotos: Peter Bachmann Werner Hohler 12. November 2009 |