PENSIONIERTENVEREIN DER KANTONSPOLIZEI
BASEL - STADT
gegründet 1938




Ausflug der Wandergruppe
Juni 2019



Mittwoch, 12. Juni 2019
Besammlung: 1000 Uhr, Bahnhof SBB,
Abfahrt: 1013 Uhr nach Frick
Frick ab 1044 mit Bus 135nach Herznach.
(Distanz ca. 2 x 20 Min.)

In Herznach besichtigen wir das Bergwerk.
Vorgesehen ist eine Fahrt zum Stolleneingang.
Dort ist die Sicht auf den ca. 165 Millionen Jahre alten Meeresboden freigelegt.
Nach der Stollenbesichtigung besuchen wir noch das Bergwerksmuseum.
Im Anschluss wird für uns in der "Bergwerksstube"
bei gutem Wetter am Weiher ein "Apero mit Getränken und Häppchen" bereitgestellt.



Dr Marcel Värs

är isch am Värsli brünzle

I bi uustiege vom Tram es tröpfelet also nit s`gäale vom Ei
kumm in d`Schalterhalle SBB am 10 ni und bi gar nit ellai
dert hett`s e Gruppe ka mit 16 Männer und au 2 " Wybli"
diesmol ypaggt in de Wanderkleider mit ganz lange Lybli

dr Wanderleiter Ruedi hett no ebbis welle "miese" sage
bevor mir los g`fahre sinn uff Frick im ene SBB Wage
do sinn mir bi dr Station uss g`stiege und in Bus Nr. 135
uff Herznach uffe g`fahre zimmlich zügig und dissig










i ka mir s` nit erkläre aber in Herznach sinn mir eine meh
wo das Bärgwärk dert obe au no will g`seh
nooch em glaine Umwäg sinn mir denn au dert ane ko
e Frau hett uns empfange und innere Rundi dert lo stoh

si hett uns informiert yber alles was me wisse sotti
me isch denn in`s Museum hett alles kenne uff ne mit Fotti
noch em Museumsbsuech sinn mir mit dr Bahn zum Stolle g`fahre
das isch e Erläbnis gsi und isch bi allne e bizzli i`gfahre




















diejenige wo do nit derbi gsi sinn sind do ganz sälber Schuld
das isch dert obe bi de Herznach-Lyt dr gröschti Kult
he nu mir sind denn ändlig vor dä Stoole Ygang ko
do hett me miesse d`Schueh i pagge sunsch wär me nit inne ko

die Stollebesichtigung isch fyr mi persenligg e Enttüschig gsi
usser de Ammonite in jeder Grössi das wär`s scho alles gsi
dä Stolle isch nit so gross aber es git no e huffe Arbet dinne
s`Wasser lauft au dert in de Gäng und au in ere Rinne










dr Apero nooch dere Besichtigung isch bi me ne Weyer gsi
dert hett`s Häppli ka, Brot, Bier, Wasser, Käs und e bizzli Wy
au do mi persenliggi Mainig es hätt e bizzli meh kennte si
fyr dr Prys vo Fr. 45.-inkl. Besichtigung, he nu es isch au verbi

dr Wanderleiter hett dr Organisations-Frau no Läggerli geh
derfyr hänn mir denn die scheeni Wohnig im Turm kenne g`seh
dert kamme au no ybernachte in dene Zimmer dert obe
do hesch denn dinni Rueh und kaine duet dert obe tobe





























noch dämm alles verbi isch mit Besichtigungen, Apero und so
sinn mir uff Herznach in d`Baiz und hänn dert no aine gno
dangg an alli wo ebbis g`macht hänn und e scheeni Summerzyt
es isch Wanderpause bis 11. Sept. denn wäre mir wieder so wyt
























Fotos: Werner Hohler
Homepage: Werner Hohler
14. Juni 2019